稿費相關（番外）：當笑話聽嘅行政能力

 

（地圖炮級數，我無意貶低各位品行，大家都好有心，只係做咁多年都無乜檢討過就當行規同常識，真係做壞咗手勢）

1、文學組織無公司網域電郵，就咁@gmail 都令artists、求職者肯畀地址、真名、電話，大家真係幾咁信任。都未講投稿位無個人資料收集聲明，上報紙抄都有得抄

2、請愈多人愈好，你office 幾大？裝到幾多人？坐迫啲火燭點算？消防例有寫，職安健大把指引，唔好懶自己睇

3、請人返嚟做乜，只講得出執書、出post、搞活動，請極都係fresh grad 就可以令大家準時收工？基本會計、HR 、IT 嘅人才都無，又唔肯學

4、書展要人，實習唔使錢，就搶10個8個先。佢哋另外嗰幾十個鐘返嚟學乜？員工同實習人數1:1又可行嗎？返嚟無嘢做一樣係睇YouTube

5、嗰日要人就搵個朋友嚟返part time，有畀足錢，但買咗勞保未？（實習都要買！）搬書整親點賠呀？

6、做老總張約寫「半職-每周30小時」就可以夾埋第二壇計劃出多份糧？一個人可以同時同一間公司簽多過一份僱傭合約？

7、真係返過咁多工，只有文學團體無攞過我身份證副本、婚姻狀況（大家係assum 我同老闆未婚吧？），到底會點幫我報稅呢？我自己都好驚出事

我重有好多貨，夠上庭嘅都有幾樣，大家醒醒定定啦唔該，食咗差唔多廿年funding 嘅公司同咁多位，唔好忘記一開始嗰份熱誠，執返好啲手勢。如果覺得身份唔同視野唔同，你哋做管理層搲到funding ，其實就已經夠，啲落地嘢唔識都無緊要，唔好衝出嚟管三管四，丟人現眼，大家早收工，慳返啲情緒，好好寫作，做下運動