潮流

一、

粉嶺的Steak Together 算是最近新開的餐廳中頗有驚喜的一間，它的手工意粉跟外邊豉油西餐的發水意粉口感明顯不同，更為煙韌，蛋味亦更濃。可惜午市餐單中只能配海鮮，老闆選了後我就要點別的東西吃。正當選擇困難的我猶豫在青檸雞意大利飯和紅酒牛肋條之間時，店員姐姐湊前提示我說：

「青檸雞，就後生仔鍾意食；牛肋條就比較多上咗⋯⋯叔叔阿姨嗌。」

「你講到咁，我就要青檸雞意大利飯。」

「好，下次再試紅酒牛肋條。」

買回家中跟老闆覆述，她說兩個相較的話，紅酒牛肋條真的更吸引。我們都無謂扮後生。

二、

上次AIDA I 跟教練Oscar 借來一件連身潛水衣，下周考AIDA II 就決定自己買一套。Oscar 介紹我到深水埗的金洪潛水用品買。店員阿姨為我介紹說：

「喺香港夏天落水，3mm都夠暖喇，連身同兩截式都一樣咁暖。不過呢，後生仔就鍾意買連身多啲，型啲咁話。」

「（又係呢招！）噉有咩人會買兩截？」

「通常就有咁上下年紀、睇落專業啲嘅就買兩截，去廁所方便嘛。」

我就問阿姨要套兩截式的來試，果然比連身的易穿很多，也想著未來練得更好在拍照時也可以只穿潛水褲，不枉我日夜鍛煉嘛。