感冒食唔食得雞？

老闆細個時曾感冒嚴重到要入醫院，她說是因為當天吃過雞，此後她每趟感冒就不再食雞。

.

颱風天和她一同中流感，她比我早一天發病。我今早就趁風不大到超市買了兩日餸（會笑人搶糧嘅朋友大概係好少入廚），一煲番茄薯仔豬骨湯、一些水果，還有些瓜和梅頭，病了還是吃好些快點好。

到煮好了和她吃，

「嗯，可能我琴晚食完雞煲，今日好返好多。」

「吓你又話你感冒唔食雞嘅？我重買到全部都係豬。」

「應該係因為藥膳嘅關係⋯⋯」

或者，人可以或者唔可以食啲乜，心情比起經驗重要，而煮得好唔好食，同咩人食，又最影響心情。

「噉你以後感冒食唔食雞？」

「唔知，你啲問題好難答。」

.

PS 同佢食雞煲嘅死士全部唔介意

PS2 唔計Covid 兩三年無感冒，一病就覺得嚴重過Covid